आळंदीतील दोघांवर गुन्हा दाखल
आळंदी | प्रतिनिधी……हात उसने घेतलेले पैसे तत्काळ परत न केल्याच्या कारणावरून तरुणाला पकडून ठेवत चाकूने पोटावर व मानेवर वार करून तसेच लाकडी दांडक्याने डोक्यात मारून जखमी केल्याची घटना आळंदी-मरकळ रोड परिसरात घडली. या प्रकरणी आळंदी पोलिसांनी दोन जणांविरुद्ध गुन्हा दाखल केला आहे.
पोलिसांनी दिलेल्या माहितीनुसार, ही घटना २९ जुलै २०२६ रोजी रात्री सुमारे १० वाजता कल्वर हॉटेल शेजारील ओढ्यालगत, आळंदी-मरकळ रोड, ता. खेड, जि. पुणे येथे घडली. याप्रकरणी महादेव परमेश्वर काळे (वय २७, व्यवसाय ड्रायव्हर) यांनी आळंदी पोलीस ठाण्यात फिर्याद दिली आहे.
फिर्यादीच्या तक्रारीनुसार, आरोपी आर्यन नाना फलगे (वय २२) हा फिर्यादीच्या मागे आला. त्याने फिर्यादीकडून घेतलेले हात उसने पैसे तत्काळ परत करण्याची मागणी केली. त्यावेळी फिर्यादीने १ किंवा २ तारखेला पैसे देण्याचे सांगितले. यावरून वाद वाढला.
आरोप आहे की, आरोपी समाधान प्रकाश फलगे (वय २१) याने फिर्यादीला पकडून ठेवले, तर आर्यन फलगे याने जवळील छोट्या चाकूने फिर्यादीच्या पोटावर व मानेवर वार केले. त्यानंतर तेथे पडलेल्या लाकडी दांडक्याने फिर्यादीच्या डोक्यात मारून त्याला जखमी करण्यात आले.
या प्रकरणी आळंदी पोलीस ठाण्यात गुन्हा रजिस्टर नं. २८०/२०२६, भारतीय न्याय संहिता कलम १०९(१), ३(५) अन्वये गुन्हा दाखल करण्यात आला आहे. गुन्हा ३० जुलै २०२६ रोजी सकाळी १०.५१ वाजता दाखल करण्यात आला.प्रकरणाचा पुढील तपास पोलीस उपनिरीक्षक गिरीगोसावी करीत आहेत.
