शिरगाव परंदवडी पोलिसांची उल्लेखनीय कामगिरी; घरकाम करणाऱ्या महिलेला अटक
पिंपरी : गौरी-गणपती सणोत्सवानिमित्त घरातील एकविरा देवीच्या मूर्तीला चढविण्यात आलेले सोन्याचे मंगळसूत्र पेंडलसह चोरी केल्याप्रकरणी शिरगाव परंदवडी पोलिसांनी घरकाम करणाऱ्या महिलेला अटक केली. तिच्याकडून ३०.५४६ ग्रॅम वजनाचे सोन्याचे मंगळसूत्र पेंडलसह, अंदाजे २ लाख ८४ हजार ८४७ रुपये किमतीचा मुद्देमाल हस्तगत करण्यात आला आहे.
याबाबत २६ सप्टेंबर २०२६ रोजी शिरगाव परंदवडी पोलीस ठाण्यात गुन्हा दाखल करण्यात आला होता. फिर्यादी यांनी घरातील गौरी-गणपती सणोत्सवानिमित्त एकविरा देवीच्या मूर्तीला घातलेले ३०.५४६ ग्रॅम वजनाचे सोन्याचे मंगळसूत्र पेंडलसह चोरी झाल्याची तक्रार दिली होती. त्यानुसार गु.र.क्र. २८०/२०२६, भारतीय न्याय संहिता कलम ३०५ अन्वये गुन्हा दाखल करण्यात आला.
गुन्ह्याचा तपास करताना शिरगाव परंदवडी पोलीस ठाण्याचे वरिष्ठ पोलीस निरीक्षक देवेंद्र चव्हाण यांच्या मार्गदर्शनाखाली गुन्हे प्रकटीकरण पथकाने तपासाची चक्रे वेगाने फिरवली. फिर्यादी यांच्या घरी काम करणाऱ्या महिलेची कौशल्यपूर्ण पद्धतीने चौकशी केली असता तिच्याकडून गुन्ह्याची कबुली मिळाल्याचे पोलिसांनी सांगितले.
त्यानंतर गजरा सातप्पा कांबळे (वय ४५, रा. जिजामाता चौकाजवळ, आकुर्डी रेल्वे स्टेशनजवळ, आकुर्डी, पुणे) हिला अटक करण्यात आली. तिला न्यायालयात हजर केले असता न्यायालयाने ३० सप्टेंबर २०२६ पर्यंत पोलीस कोठडी सुनावली.
तपासादरम्यान आरोपी महिलेने चोरी केलेले ३०.५४६ ग्रॅम वजनाचे सोन्याचे मंगळसूत्र पेंडलसह पोलिसांनी हस्तगत केले. या मुद्देमालाची किंमत २,८४,८४७ रुपये असल्याचे पोलिसांनी नमूद केले आहे. गुन्ह्याचा पुढील तपास सुरू आहे.
ही कारवाई पोलीस आयुक्त विनय कुमार चौबे, सह पोलीस आयुक्त डॉ. शशिकांत महावरकर, अपर पोलीस आयुक्त (गुन्हे) सारंग आवाड, अपर पोलीस आयुक्त (प्रादेशिक विभाग) बसवराज तेली, पोलीस उपायुक्त परिमंडळ-४ श्वेता खेडकर आणि सहायक पोलीस आयुक्त देहूरोड विभाग प्रविण मोरे यांच्या मार्गदर्शनाखाली करण्यात आली.
कारवाईत वरिष्ठ पोलीस निरीक्षक देवेंद्र चव्हाण, पोलीस उपनिरीक्षक प्रकाश पारखे, पोलीस हवालदार किशोर गिरीगोसावी, सचिन काचोळे, तसेच पोलीस अंमलदार प्रसाद जंगीलवाड, दिलीप राठोड आणि सागर कोळी यांच्या पथकाचा सहभाग होता.
