देहूरोड, दि. २९ जून : विकासनगर, किवळे येथील ज्येष्ठ नागरिक संघाच्या विरंगुळा केंद्रात रविवारी दहावीच्या परीक्षेत यशस्वी झालेल्या गुणवंत विद्यार्थी-विद्यार्थिनींचा सत्कार सोहळा उत्साहात पार पडला. विद्यार्थ्यांना सन्मानपत्र, रोख रक्कम आणि गुलाबपुष्प देऊन त्यांच्या यशाचा गौरव करण्यात आला.
या कार्यक्रमात विकासनगर-किवळे परिसरातील एकूण १७ गुणवंत विद्यार्थी-विद्यार्थिनींचा संघाचे अध्यक्ष नानासाहेब डोईफोडे, सचिव पंढरीनाथ सानप तसेच मारुती भराटे, माणिक एकड, गफूर शेख, दशरथ वाघमारे, विश्वास आंबेकर, बसवराज धोत्रे, सविता ब्रह्म, कल्पिता पळसुले, एम. डी. चौधरी आणि श्रीमंत शिवशरण यांच्या हस्ते सत्कार करण्यात आला.
सत्कार करण्यात आलेल्या विद्यार्थ्यांमध्ये तन्वी पोळ, त्रिवेणी सुतार, ईश्वरधन जाधव, सिद्रा आतार, अन्विता वाघोले, लावण्य चरडे, अनुष्का नथाने, अन्वी सुतार, सई काकड, अभिनव जोशी, पियुष कुमार सिंह, हरेश शिंदे, संस्कृती गायकवाड, प्रांजल चव्हाण, क्रिश कारंडे, सृष्टी भिजगे, अमेघा गायकवाड आणि अल्मास काझी यांचा समावेश होता.
यावेळी विद्यार्थ्यांचे पालक, ज्येष्ठ नागरिक संघाचे सदस्य, संचालक मंडळाचे पदाधिकारी आणि परिसरातील नागरिक मोठ्या संख्येने उपस्थित होते. विद्यार्थ्यांच्या यशाचा गौरव करताना उपस्थित मान्यवरांनी त्यांना उज्ज्वल भविष्यासाठी शुभेच्छा दिल्या तसेच भविष्यातही सातत्याने परिश्रम घेऊन उच्च यश संपादन करण्याचे आवाहन केले.
