पुणे : अनेक पुरस्कारांनी सन्मानित तसेच श्रीगोंदा येथील ढवळे वधू-वर सूचक मंडळाचे अध्यक्ष श्री. सुभाष ढवळे हे पुणे येथे आले असता त्यांनी पुणे महानगरपालिकेचे माजी मुख्य अधिकारी श्री. सुनीलराव टिळेकर यांच्या निवासस्थानी सदिच्छा भेट दिली.
यावेळी सर्वधर्मीय मुला-मुलींचे आजपर्यंत हजारो विवाह जुळवून देत सामाजिक बांधिलकी जपल्याबद्दल टिळेकर परिवाराच्या वतीने श्री. सुभाष ढवळे यांचा सन्मान करण्यात आला. त्यांच्या सामाजिक कार्याचे कौतुक करून टिळेकर परिवार आणि मित्रमंडळींनी त्यांच्या पुढील कार्यासाठी शुभेच्छा दिल्या.
यावेळी पुणे येथील प्रसिद्ध उद्योजक व बिल्डर श्री. अनिलराव कांकरिया, आळंदी येथील ह.भ.प. कृपेन महाराज, हळगाव येथील अहिल्यादेवी पतसंस्थेचे चेअरमन श्री. आबासाहेब ढवळे, श्रीगोंदा येथील प्रगतशील शेतकरी श्री. रामभाऊ लबडे, श्री. विठ्ठल पाचारणे तसेच टिळेकर परिवारातील सदस्य आणि मित्रमंडळी उपस्थित होते.
सामाजिक सलोखा, सर्वधर्मीय विवाह जुळवून देण्याचे कार्य आणि समाजातील गरजू कुटुंबांना मदत करण्यासाठी श्री. सुभाष ढवळे यांनी केलेल्या योगदानाचे उपस्थितांनी विशेष कौतुक केले.
