चिखली प्रतिनिधी : टाटा कंपनीच्या डिस्पॅच गेटसमोरील फुटपाथवर पार्क केलेली सुमारे ४० हजार रुपये किमतीची यामाहा कंपनीची दुचाकी अज्ञात चोरट्याने चोरून नेल्याची घटना चिखली येथे घडली.
याप्रकरणी साई महेश हेंद्रे (वय २२, रा. सद्गुरुनगर, भोसरी) यांनी चिखली पोलिस ठाण्यात फिर्याद दिली आहे. त्यानुसार अज्ञात चोरट्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, २१ ऑगस्ट रोजी सकाळी आठ ते सायंकाळी सात वाजण्याच्या दरम्यान हेंद्रे यांनी त्यांची पांढऱ्या रंगाची यामाहा दुचाकी (क्रमांक एमएच-३८/एएफ-९७९१) टाटा कंपनीच्या डिस्पॅच गेटसमोरील फुटपाथवर पार्क केली होती. याचदरम्यान अज्ञात चोरट्याने त्यांच्या संमतीशिवाय दुचाकी चोरून नेली.या प्रकरणाचा तपास चिखली पोलिस करीत आहेत.
