१२ हजार २९० रुपयांचा मुद्देमाल जप्त; गुन्हे शाखा युनिट-१ची कारवाई
पिंपरी : पिंपरीतील गांधीनगर परिसरात दुर्गामाता मंदिरासमोरील सार्वजनिक रस्त्याच्या कडेला विनापरवाना तीन पत्ती जुगार खेळणाऱ्या पाच जणांविरुद्ध संत तुकाराम नगर पोलीस ठाण्यात गुन्हा दाखल करण्यात आला आहे. ही कारवाई ११ ऑक्टोबर २०२६ रोजी सायंकाळी करण्यात आली.
पोलिसांनी दिलेल्या माहितीनुसार, गांधीनगर येथील दुर्गामाता मंदिरासमोर काही जण स्वतःच्या आर्थिक फायद्यासाठी पैसे लावून तीन पत्ती जुगार खेळत असल्याचे आढळून आले. या कारवाईत रोख रक्कम, मोबाईल फोन आणि पत्त्यांसह एकूण १२ हजार २९० रुपयांचा मुद्देमाल जप्त करण्यात आला.
या प्रकरणी धनंजय शिवाजी काळे (वय ४५), प्रशांत विश्वंभर शिंदे (वय ३२), सैदप्पा करप्पा नाटेकर (वय ५८), लाला संतराम पौळ (वय ५५) आणि नामदेव प्रभू शिंदे (वय ७५), सर्व रा. गांधीनगर, पिंपरी, यांच्याविरुद्ध महाराष्ट्र जुगार प्रतिबंधक कायद्याच्या कलम १२(अ) अन्वये गुन्हा दाखल करण्यात आला आहे.
या प्रकरणी गुन्हे शाखा युनिट-१, पिंपरी-चिंचवड येथील पोलीस अंमलदार विजय हरिदास जानराव यांनी फिर्याद दिली आहे. ११ ऑक्टोबर रोजी रात्री १० वाजून १० मिनिटांनी गुन्हा दाखल करण्यात आला.
