कार्यकारी सचिव डॉ. हेमंत धुमाळ यांनी केले कौतुक; पुढील वाटचालीस दिल्या शुभेच्छा
पुणे प्रतिनिधी : ढवळे वधू-वर सूचक मंडळाचे अध्यक्ष तथा सामाजिक कार्यकर्ते श्री. सुभाष ढवळे यांनी पुणे येथील महाराष्ट्र कृष्णा खोरे विकास महामंडळाच्या सिंचन भवनास सदिच्छा भेट दिली. यावेळी महामंडळाचे कार्यकारी सचिव डॉ. हेमंत धुमाळ यांची त्यांनी सदिच्छा भेट घेतली.
सुभाष ढवळे यांच्या सामाजिक क्षेत्रातील उल्लेखनीय कार्याची दखल घेत डॉ. हेमंत धुमाळ यांनी त्यांच्या कार्याचे कौतुक केले. समाजहितासाठी सुरू असलेल्या त्यांच्या विविध उपक्रमांचे अभिनंदन करून पुढील सामाजिक वाटचालीस त्यांनी मनःपूर्वक शुभेच्छा दिल्या.
यावेळी डॉ. हेमंत धुमाळ यांच्या हस्ते सुभाष ढवळे यांचा सन्मान करण्यात आला. या सदिच्छा भेटीमुळे सामाजिक क्षेत्रात कार्यरत असलेल्या व्यक्तींच्या उपक्रमांना प्रशासनाकडून मिळणाऱ्या प्रोत्साहनाचे सकारात्मक चित्र समोर आले.
या प्रसंगी सामाजिक कार्यकर्ते श्री. श्रीरंग धुमाळ, श्री. योगेश गवळी, पोलीस उपनिरीक्षक श्री. जनार्दन भागवत, अॅड. आकाश ढवळे यांच्यासह महामंडळातील अधिकारी उपस्थित होते.
सामाजिक बांधिलकी जपत विविध क्षेत्रांत सातत्याने कार्य करणाऱ्या सुभाष ढवळे यांच्या कार्याचे उपस्थित मान्यवरांनी यावेळी विशेष कौतुक केले.
