मीरा रोड प्रतिनिधी : मीरा रोड परिसरातील **’वेलमोरा स्पा’**वर एमबीव्हीव्ही (मीरा-भाईंदर, वसई-विरार) पोलिसांच्या गुन्हे शाखेने अनैतिक व्यवसायाच्या संशयावरून मोठी छापेमारी केली. या कारवाईत स्पाचे दोन व्यवस्थापकांना अटक करण्यात आली असून, स्पाचा मालक आणि चालक फरार झाले आहेत. दोघांचा शोध पोलिसांकडून सुरू आहे.
गुन्हे शाखेचे पोलीस उपायुक्त संदीप डोईफोडे यांच्या मार्गदर्शनाखाली ही कारवाई करण्यात आली. छापेमारीदरम्यान पोलिसांनी संबंधित स्पामधील हालचालींची तपासणी करून संशयास्पद प्रकार उघडकीस आणल्याचे सांगितले.
या प्रकरणी संबंधितांविरुद्ध गुन्हा दाखल करण्यात आला असून, फरार आरोपींचा शोध घेण्यासाठी विशेष पथके नियुक्त करण्यात आली आहेत. तसेच स्पाच्या माध्यमातून सुरू असलेल्या कथित अनैतिक व्यवसायाच्या संपूर्ण साखळीचा तपास सुरू असल्याची माहिती पोलिसांनी दिली.
दरम्यान, या कारवाईमुळे मीरा रोड परिसरात खळबळ उडाली असून, अशा प्रकारच्या बेकायदेशीर व्यवसायांविरोधात पुढील काळातही कठोर कारवाई सुरू राहणार असल्याचे पोलिसांनी स्पष्ट केले.
