पिंपरी-चिंचवड : चिखली परिसरातील भिमशक्ती नगर मोरेवस्ती येथे किरकोळ वादातून एका व्यक्तीला मारहाण करून जखमी केल्याप्रकरणी चिखली पोलिसांनी दोघांविरोधात गुन्हा दाखल केला आहे.
चिखली पोलीस ठाण्यात गुन्हा क्रमांक ३३४/२०२६ भारतीय न्याय संहिता कलम ११५(२), ३५२, ३२४, ३(५) अन्वये हा गुन्हा नोंद करण्यात आला आहे. ही घटना दिनांक २५ मे २०२६ रोजी दुपारी साडेतीन वाजण्याच्या सुमारास भिमशक्ती नगर, मोरेवस्ती, चिखली येथे घडली.
या प्रकरणी प्रमोद बाबासाहेब वाघमारे (वय ३६, व्यवसाय चालक, रा. भिमशक्ती नगर मोरेवस्ती, चिखली) यांच्यासह निकेश बाबासाहेब वाघमारे आणि महेश बाबासाहेब वाघमारे यांच्याविरोधात कारवाई करण्यात आली असून आरोपींना अटक करण्यात आल्याची माहिती पोलिसांनी दिली.
पोलिसांनी दिलेल्या माहितीनुसार, फिर्यादी कामावरून घरी आल्यानंतर त्यांच्या मावशीच्या मुलाच्या सन्मानाला जाण्याच्या कारणावरून वाद झाला. यावेळी आरोपींनी एकत्र येत फिर्यादीस लाथाबुक्क्यांनी मारहाण केली. या मारहाणीत फिर्यादीच्या खालच्या दाताच्या हिरडीला गंभीर दुखापत झाली असून त्यांना दोन टाके घालावे लागले.फिर्यादीच्या तक्रारीवरून चिखली पोलिसांनी गुन्हा दाखल करून पुढील तपास सुरू केला आहे.
