पिंपरी-चिंचवड : चिखली परिसरातील संतपीठ रोड येथे भटक्या कुत्र्यांना खाद्य देण्याच्या कारणावरून झालेल्या वादातून एका महिलेला लोखंडी रॉडने मारहाण करण्यात आल्याची घटना समोर आली आहे. या प्रकरणी चिखली पोलिसांनी दाम्पत्याविरुद्ध गुन्हा दाखल करून दोघांनाही अटक केली आहे.
चिखली पोलिसांनी दिलेल्या माहितीनुसार, हा प्रकार २० मे २०२६ रोजी पहाटे सुमारे १२.०५ वाजण्याच्या सुमारास संतपीठ रोड, पाटीलनगर येथे घडला. संबंधित महिला फिर्यादी या परिसरात कुत्र्यांना बिस्कीट व चिकन राईस खायला देत होत्या. त्यावेळी तेथे राहणाऱ्या आरोपी जयश्री भोसले (वय ३५) व त्यांचे पती रामदास भोसले यांनी “येथे कुत्र्यांना काही खायला टाकू नको” असे सांगत फिर्यादीशी वाद घातला.
वाद वाढल्यानंतर रामदास भोसले यांनी फिर्यादीच्या हातातील लोखंडी रॉड हिसकावून घेत तिच्या हातावर व पायावर मारहाण केली. तसेच जयश्री भोसले हिनेही फिर्यादीस हाताने मारहाण करून शिवीगाळ केल्याचे तक्रारीत नमूद करण्यात आले आहे.
या प्रकरणी चिखली पोलिस ठाण्गुयात गुन्हा क्रमांक ३१९/२०२६ अन्वये भारतीय न्याय संहिता कलम ११८(१), ११५(२), ३५२, ३(५) प्रमाणे गुन्हा दाखल करण्यात आला असून दोन्ही आरोपींना अटक करण्यात आली आहे.या प्रकरणाचा पुढील तपास पोलीस हवालदार पेटकर करीत
