मुख्याध्यापक विलास दुर्गाडे यांचा सत्कार
पुणे,पुरंदर,प्रतिनिधी : शाळा गुणवत्ता मूल्यांकन व आश्वासन आराखडा (SQAAF) अंतर्गत राज्यस्तरीय गुणवत्ता स्पर्धेत उल्लेखनीय यश संपादन केल्याबद्दल जिल्हा परिषद प्राथमिक शाळा, मठवाडी (बेलसर), ता. पुरंदर येथील मुख्याध्यापक विलास दुर्गाडे यांचा विशेष सत्कार करण्यात आला.
पुणे येथे २३ जुलै २०२६ रोजी कौन्सिल हॉलमध्ये आयोजित ‘कॉफी विथ अध्यक्ष, आयुक्त व सी.ई.ओ.’ या कार्यक्रमात विभागीय आयुक्त शितल तेली-उगले, पुणे जिल्हा परिषदेचे मुख्य कार्यकारी अधिकारी गजानन पाटील, शिक्षणाधिकारी (प्राथमिक) ललिता दहीतुले, शिक्षणाधिकारी (माध्यमिक) भाऊसाहेब कारेकर तसेच जिल्हा प्रशिक्षण संस्थेचे प्राचार्य महेश शेंडकर यांच्या हस्ते हा सन्मान प्रदान करण्यात आला.
शाळेने शाळा गुणवत्ता मूल्यांकन व आश्वासन आराखडा अंतर्गत राज्य गुणवत्ता स्पर्धेत पुरंदर तालुक्यात प्रथम आणि पुणे जिल्ह्यात चतुर्थ क्रमांक मिळवत उल्लेखनीय यश संपादन केले आहे.
यावेळी मुख्याध्यापक विलास दुर्गाडे यांनी हा सन्मान संपूर्ण शाळा परिवाराचा असल्याचे सांगत, विद्यार्थी, पालक, शाळा व्यवस्थापन समिती, ग्रामस्थ तसेच शाळेच्या उपशिक्षिका उल्का दुर्गाडे यांच्या सहकार्यामुळे हे यश मिळाल्याचे नमूद केले.
