पिंपरी…..पिंपरी चिंचवड महानगरपालिकेच्या कार्यक्षेत्रातील जाहिरात फलक संदर्भात महाराष्ट्र महानगरपालिका अधिनियामातील नियम २४४,२४५ तसेच महाराष्ट्र शासन जाहिरात नियमन व नियंत्रण ९ मे २०२२ चे अधिनियमातील तरतुदीनुसार महापालिकेची पूर्व परवानगी घेऊनच खाजगी जागेत जाहिरात फलक उभा करणेची तरतुद आहे.
पिंपरी चिंचवड हे शहर देशपातळीवरती औद्योगिक शहर म्हणुन ओळखले जाते. सध्या पिंपरी चिंचवड शहर स्मार्ट सिटीच्या दिशेने वाटचाल करीत आहे.
त्यानुसार शहराचे सौदर्य अबाधित राखणे आवश्यक आहे. महानगरपालिकेच्या हद्दीमध्ये महानगरपालिकेची पुर्व परवानगी न घेता जाहिरात फलक उभे केले जातात, त्यामुळे शहराचे विद्रुपीकरण होत असून महानगरपालिकेच्या आर्थिक उत्पन्नात देखील घट होत आहे. यास्तव शहराच्या सौंदर्यात आणि महसुलात वाढ व्हावी याकरिता अनधिकृत जाहिरात फलकावर प्रतिबंध व नियंत्रण म्हणून आकाशचिन्ह व परवाना विभागामार्फत अनधिकृत जाहिरात फलकांची पहाणी करून ते तातडीने निष्कासित करण्याची मोहिम व कारवाई सद्यस्थितीत शहरात सुरू आहे.
पिंपरी चिंचवड शहरामध्ये जिवन नगर, मेरी गोल्ड हॉस्पीटल जवळ, ताथवडे, पुणे ३३ येथे मे. अद्विक अँडव्हरटायझिंग यांनी अनधिकृतपणे ४०× ३० फूट आकाराचा जाहिरात फलक उभा केलेचे निदर्शनास आल्याने, आकाशचिन्ह व परवाना विभागामार्फत विनोद सरकानिया, परवाना निरीक्षक यांनी उप आयुक्त (परवाना) राजेश आगळे यांच्या मार्गदर्शनानुसार प्रस्तुत जाहिरात फलक आज दि.२१.०७.२०२६ रोजी कारवाई करून (लोखंडी स्टक्चरसह) निष्कासित करण्यात आला आहे.
तरी, याद्वारे पिंपरी चिंचवड महापालिकेच्या हद्दीतील सर्व जाहिरात एजन्सींना सुचित करणेत येते की, या पुढे शहरामध्ये अनधिकृत जाहिरात फलक उभे करणेत येऊ नये, असे अनधिकृत जाहिरात फलक उभे केल्याचे निदर्शनास आलेस ते पिंपरी चिंचवड महानगरपालिके तर्फे तात्काळ निष्कासित करणेत येतील. याची गंभिरपणे नोंद घ्यावी.
