पुणे,दापोडी प्रतिनिधी…….परिसरातील एस.टी. वर्कशॉप रोडलगतच्या फुटपाथवर गांजा सेवन करताना एका २३ वर्षीय तरुणाला दापोडी पोलिसांनी पकडले. याप्रकरणी दापोडी पोलीस ठाण्यात गुन्हा रजि. नं. २२०/२०२६ अन्वये एन.डी.पी.एस. अॅक्ट कलम ८(क), २७ प्रमाणे गुन्हा दाखल करण्यात आला आहे.
पोलिसांनी दिलेल्या माहितीनुसार, १३ ऑगस्ट २०२६ रोजी सायंकाळी सुमारे ७.४५ वाजता एस.टी. वर्कशॉप रोड, दापोडी येथील शेजारील मोकळ्या फुटपाथवर अभिषेक नितीन कांबळे (वय २३, व्यवसाय मजुरी, रा. वॉर्ड क्र. ३, गोयल हॉस्पिटलजवळ, दापोडी, पुणे) हा गांजा सेवन करताना आढळून आला.
पोलीस शिपाई आकाश श्रावण सोनवणे (ब.नं. ३१७१) यांनी दिलेल्या फिर्यादीनुसार, आरोपीच्या ताब्यात गांजा ओढण्यासाठीचे साहित्य तसेच कागदामध्ये गुंडाळलेला गांजा आढळून आला. आरोपी गांजा तोंडात धरून त्यातून धूर ओढत व सेवन करत असल्याचे पोलिसांच्या निदर्शनास आले.घटनेनंतर १३ ऑगस्ट रोजी रात्री ११.२७ वाजता गुन्हा दाखल करण्यात आला. पुढील तपास दापोडी पोलीस करीत आहेत.
