पुणे आळंदी प्रतिनिधी….आळंदी-चिंचोळी रोडवरील केळगाव हद्दीत पोलिसांनी कारवाई करून २१५ ग्रॅम गांजा, किंमत अंदाजे १० हजार ७५० रुपये, विक्रीच्या उद्देशाने बाळगल्याप्रकरणी एका तरुणाला अटक केली.
दि. १३ ऑगस्ट २०२६ रोजी रात्री सुमारे ८.२५ वाजता आळंदी-चिंचोळी रोडलगत आत्ताराम बापू मठाजवळील मोकळ्या पटांगणात ही कारवाई करण्यात आली. विनोदिप गंगाधर मानवते (वय २८, सध्या रा. आंबेडकरनगर, चिवळी, ता. खेड; मूळ रा. आरळ, ता. वसमत, जि. हिंगोली) हा आरोपी पोलिसांना गांजा बाळगताना मिळून आला. त्याच्याकडून २१५ ग्रॅम वजनाचा गांजा जप्त करण्यात आला असून आरोपीला अटक करण्यात आली आहे.
या प्रकरणी आळंदी पोलीस ठाण्यात गुन्हा दाखल करण्यात आला आहे. फिर्याद पोलीस कॉन्स्टेबल शरद बबन निकाळजे यांनी दिली.
