पुणे,बावधन प्रतिनिधी: पिंपरी-चिंचवड पोलीस आयुक्तालयाने लागू केलेल्या मनाई आदेशाचे उल्लंघन करून सार्वजनिक ठिकाणी लोखंडी कोयता बाळगणाऱ्या एका तरुणाविरुद्ध बावधन पोलिसांनी गुन्हा दाखल केला आहे.
या प्रकरणी बावधन पोलीस ठाण्यात गुन्हा क्रमांक ३२३/२०२६ दाखल करण्यात आला असून, आर्म अॅक्ट कलम ४(२५) तसेच महाराष्ट्र पोलीस अधिनियम १९५१ चे कलम ३७(१)(३) सह १३५ अन्वये कारवाई करण्यात आली आहे.
पोलिसांनी दिलेल्या माहितीनुसार, ५ ऑगस्ट २०२६ रोजी सकाळी सुमारे ११.०५ वाजता बावधन बुद्रुक येथील आण्णासाहेब बिल्डिंग परिसरात संदीप बबन भेंट (वय ३३, रा. बावधन) हा लोखंडी कोयता बाळगताना आढळून आला. याप्रकरणी पोलीस शिपाई दत्तात्रय उत्तम शिंदे यांनी फिर्याद दिली.
पोलीस आयुक्तांनी ५ ऑगस्ट ते १८ ऑगस्ट २०२६ या कालावधीत शस्त्रे व प्राणघातक वस्तू बाळगण्यास मनाई करणारे आदेश लागू केले असताना आरोपीने या आदेशाचे उल्लंघन केल्याचे तपासात निष्पन्न झाले. त्यामुळे त्याच्याविरुद्ध संबंधित कायद्यांनुसार गुन्हा दाखल करण्यात आला आहे.या प्रकरणाचा पुढील तपास पोलीस उपनिरीक्षक गिरी करीत आहेत.
