जेआरडी टाटा जयंतीनिमित्त आंत्रप्रेन्यूअर्स इंटरनॅशनलकडून गौरव; उद्योजकांच्या विकासासाठीच्या कार्याचा सन्मान
पुणे (प्रतिनिधी) : भारतरत्न जेआरडी टाटा यांच्या जयंतीनिमित्त आंत्रप्रेन्यूअर्स इंटरनॅशनलच्या वतीने आयोजित पुरस्कार सोहळ्यात चाकण एमआयडीसी औद्योगिक संघटनेला ‘उद्योजक सपोर्ट पुरस्कार’ प्रदान करून सन्मानित करण्यात आले. चाकण आणि पिंपरी-चिंचवड औद्योगिक परिसरातील उद्योजकांच्या सर्वांगीण विकासासाठी संघटनेने केलेल्या सातत्यपूर्ण कार्याची दखल घेत हा पुरस्कार प्रदान करण्यात आला. संघटनेचे अध्यक्ष जयदेव अक्कलकोटे यांनी पुरस्कार स्वीकारला.
कोथरूड येथील महाराष्ट्र एज्युकेशन सोसायटीच्या सभागृहात झालेल्या या कार्यक्रमाला तंत्रज्ञान तज्ज्ञ व ज्येष्ठ लेखक डॉ. अच्युत गोडबोले, आंत्रप्रेन्यूअर्स इंटरनॅशनलचे अध्यक्ष अमोल जाधव, सचिव सुभाष माईणकर, खजिनदार सुनील थोरात, समन्वयक अतुल कुलकर्णी यांच्यासह विविध क्षेत्रांतील उद्योजक व मान्यवर उपस्थित होते.
यावेळी चाकण एमआयडीसी औद्योगिक संघटनेचे सचिव निवास माने, खजिनदार किसन गायकवाड, संचालक सुधीर भांदुर्गा, प्रवीण शिंदे, दत्तात्रय दगडे, लक्ष्मण काळे, प्रशांत गोरे, रामेश्वर पवार, प्रफुल्ल कालंकार, अभय सोनावणे, सुभाष गोळे, मुलानी, प्रशांत लुमधे, गोविंद इंगळे आणि शिवशंकर शेट्टी उपस्थित होते.
पुरस्कार स्वीकारल्यानंतर अध्यक्ष जयदेव अक्कलकोटे यांनी चाकण औद्योगिक परिसरातील समस्यांकडे लक्ष वेधताना सांगितले की, “चाकण एमआयडीसीमधून शासनाला मोठ्या प्रमाणावर महसूल प्राप्त होतो. मात्र, या औद्योगिक परिसरातील पायाभूत सुविधा, वाहतूक व्यवस्था आणि इतर मूलभूत प्रश्न अद्यापही प्रलंबित आहेत. या समस्या तातडीने सोडविण्यासाठी शासनाने ठोस उपाययोजना कराव्यात. उद्योजकांच्या हितासाठी चाकण एमआयडीसी औद्योगिक संघटना सातत्याने कार्यरत राहील.”
इतर पुरस्कार विजेते…..
💮उद्योजकतेतील उत्कृष्ट कामगिरी पुरस्कार : प्रवीण गुरव, संदेश सावंत, शितलकुमार पाटील आणि दयानंद पाटील (स्पीड इंजिनिअरिंग सोल्युशन्स प्रा. लि., पुणे).
💮संशोधन व नवोपक्रम क्षेत्रातील उत्कृष्ट उद्योजकता पुरस्कार : शिवाजी वाघमारे (क्यू साइन एनर्जी सोल्युशन्स प्रा. लि., पुणे).
💮सेवा क्षेत्रातील उत्कृष्ट उद्योजकता पुरस्कार : डॉ. अमेय पांगारकर (ए कन्सल्टन्सी, पुणे).
💮सामाजिक दायित्व उद्योजकता पुरस्कार : राहुल कोकीळ (सुमंथन लर्निंग रिसोर्स, पुणे).
💮कृषी क्षेत्रातील उत्कृष्ट कार्य पुरस्कार : आकाशचंद्र गौरठाकूर (आकाश ॲग्री सोल्युशन्स प्रा. लि., सिल्लोड).
💮ग्रीन एंटरप्राइज अवॉर्ड : डॉ. अस्मिता प्रभुणे (ग्रीन पिरॅमिड बायोटेक, पुणे).
