तळेगाव दाभाडे (प्रतिनिधी): तळेगाव दाभाडे पोलीस ठाण्यात सायबर फसवणुकीच्या आर्थिक व्यवहारासाठी बँक खाते उपलब्ध करून दिल्याप्रकरणी एक गुन्हा, तसेच अज्ञात चोरट्याने दुचाकी चोरी केल्याप्रकरणी आणखी एक गुन्हा दाखल करण्यात आला आहे.
सायबर फसवणुकीप्रकरणी गुन्हा दाखल
तळेगाव दाभाडे पोलीस ठाण्यात गुन्हा रजिस्टर क्रमांक २६६/२०२६ अंतर्गत बीएनएस कलम ११२(२), ६१(२), ३१७(२), ३१८(४), ३(५) अन्वये गुन्हा दाखल करण्यात आला आहे.
या प्रकरणी पोलीस शिपाई स्वाती राजाराम पाटील यांनी शासनातर्फे फिर्याद दिली आहे. आरोपी माणिक व्यंकट भातने (रा. दरडवाडी, जि. बीड) याने संगमनेर येथील स्वतःच्या इंडियन ओव्हरसीज बँकेच्या खात्याचा वापर सायबर फसवणुकीच्या आर्थिक व्यवहारांसाठी करण्यास दिल्याचा आरोप आहे.
कोलार (कर्नाटक) येथील एनसीसीआरपी तक्रारीतील ₹८० हजारांच्या फसवणुकीपैकी ₹१० हजारांची रक्कम तळेगाव दाभाडे येथील एटीएममधून काढल्याचे तपासात निष्पन्न झाले आहे. या प्रकरणाचा पुढील तपास स.पो.नि वाघले करीत आहेत. आरोपीला अद्याप अटक करण्यात आलेली नाही.
अज्ञात चोरट्याकडून ॲक्टिव्हा चोरी
तळेगाव दाभाडे पोलीस ठाण्यात गुन्हा रजिस्टर क्रमांक २६७/२०२६ अंतर्गत बीएनएस कलम ३०३(२) अन्वये अज्ञात चोरट्याविरुद्ध गुन्हा दाखल करण्यात आला आहे.
फिर्यादी बालाजी आचितराव राऊत (वय ४०, रा. तळेगाव दाभाडे) यांनी दिलेल्या तक्रारीनुसार, २२ जुलै २०२६ रोजी दुपारी ड्रीम लंच होमजवळ, मराठा क्रांती चौक परिसरात पार्क केलेली होंडा अॅक्टिव्हा (क्रमांक MH 14 GV 2791) अज्ञात व्यक्तीने चोरून नेली. चोरीस गेलेल्या दुचाकीची किंमत सुमारे ₹२० हजार असल्याचे फिर्यादीत नमूद आहे.या प्रकरणाचा पुढील तपास पोलीस हवालदार सरजिने करीत आहेत.
