सावंतवाडी, प्रतिनिधी : ह्यूमन राईट असोसिएशन फॉर प्रोटेक्शन, सावंतवाडी तालुक्याच्या वतीने सुधाताई वामनराव कामत विद्यामंदिर, शाळा क्रमांक २ येथील शिष्यवृत्ती परीक्षेच्या गुणवत्ता यादीत स्थान मिळवलेल्या तब्बल १४ विद्यार्थ्यांचा सन्मानचिन्ह आणि गुलाबपुष्प देऊन गौरव करण्यात आला.
यावेळी कु. आराध्य आपटे याने सिंधुदुर्ग जिल्ह्यात प्रथम, तर राज्यात नववा क्रमांक मिळवत उल्लेखनीय यश संपादन केले. तसेच एकाच प्राथमिक शाळेतील १४ विद्यार्थ्यांनी जिल्हा व राज्यस्तरीय गुणवत्ता यादीत स्थान मिळवल्याने संपूर्ण सिंधुदुर्ग जिल्ह्यासह शैक्षणिक क्षेत्रातून या विद्यार्थ्यांचे, शाळेचे मुख्याध्यापक, शिक्षकवृंद, शाळा व्यवस्थापन समिती आणि पालकांचे सर्व स्तरांतून कौतुक होत आहे.
या सत्कार समारंभास ह्यूमन राईट असोसिएशन फॉर प्रोटेक्शनचे कोकण विभागीय अध्यक्ष संतोष नाईक, सिंधुदुर्ग-रत्नागिरी जिल्हा समन्वयक प्रणय बांदिवडेकर, कोकण विभाग रिक्षा-टॅक्सी महासंघाचे सहसचिव तथा संघटनेचे सावंतवाडी तालुका सल्लागार सुधीर पराडकर, सावंतवाडी तालुका अध्यक्ष तथा व्हिजन आय प्लस, शिरोडाचे प्रोप्रायटर सोहन शारबिद्रे, उपाध्यक्ष तथा नगरसेविका सौ. शर्वरी धारगळकर, जिल्हा महिला संघटक सौ. शिवानी पाटकर, सचिव सौ. मेघना साळगांवकर, बांदा शहराध्यक्ष कृष्णा गवस, नितीन नाईक, सौ. साक्षी गवस, सौ. सुप्रिता धारणकर, सौ. पूजा नाईक, सौ. रेश्मा परब तसेच कणकवली ट्रॉफी हाऊसचे प्रोप्रायटर श्री. व सौ. महेंद्र चव्हाण आदी मान्यवर उपस्थित होते.
