पिंपरी, प्रतिनिधी : चिखली पोलिसांनी सायबर फसवणुकीच्या प्रकरणात बँक खाते उपलब्ध करून आर्थिक व्यवहार करणाऱ्या एका आरोपीला अटक केली आहे. या प्रकरणी चिखली पोलीस ठाण्यात गुन्हा क्रमांक ४८३/२०२६ दाखल करण्यात आला असून भारतीय न्याय संहिता कलम ३१८(४), ३(५) तसेच माहिती तंत्रज्ञान (IT) कायदा कलम ६६(ड) अंतर्गत कारवाई करण्यात आली आहे.
पोलिसांनी दिलेल्या माहितीनुसार, २३ मार्च २०२६ रोजी सकाळी ११ वाजण्याच्या सुमारास गंगोत्री हाइट्स, जाधववाडी, चिखली येथे आरोपी आदित्य अशोक पाटणकर (रा. फ्लॅट क्र. बी-७, गंगोत्री हाइट्स, श्रीराम कॉलनी, जाधववाडी, चिखली, पुणे) याने IDFC First Bank मधील स्वतःच्या खात्याचा वापर करून साथीदारांशी संगनमताने सायबर फसवणुकीत सहभाग घेतल्याचा आरोप आहे.
तपासात आरोपीच्या खात्यावर एकूण ₹५,७७,६८५.५० इतके आर्थिक व्यवहार झाल्याचे निष्पन्न झाले आहे. या व्यवहारांमुळे देशातील दोन नागरिकांची फसवणूक झाल्याचेही प्राथमिक तपासात समोर आले आहे.
या प्रकरणी पोलीस अंमलदार आकाश ज्ञानेश्वर नायकोजी (ब.नं. ३४८१), चिखली पोलीस ठाणे यांनी फिर्याद दिली असून, २१ जुलै २०२६ रोजी गुन्हा दाखल करण्यात आला.
या गुन्ह्याचा पुढील तपास वरिष्ठ पोलीस निरीक्षक कदम यांच्या मार्गदर्शनाखाली चिखली पोलीस करत आहेत.
