पिंपरी-चिंचवड : चिखली पोलिसांनी सायबर आर्थिक फसवणुकीच्या प्रकरणात एका संशयिताला अटक केली आहे. याप्रकरणी चिखली पोलीस ठाण्यात गुन्हा क्रमांक ४८०/२०२६ दाखल करण्यात आला असून भारतीय न्याय संहिता कलम ३१८(४), ३(५) तसेच आर्म्स अॅक्ट कलम ६६(ड) अंतर्गत कारवाई करण्यात आली आहे.
पोलिसांनी दिलेल्या माहितीनुसार, दि. २९ मार्च २०२६ रोजी शिवप्रसाद, जेएसपीएम कॉलेजजवळ, देहू-आळंदी रोड, चिखली परिसरात आरोपीने HDFC बँकेचे खाते (क्र. 50100769483320) उघडून आपल्या साथीदारांशी संगनमत करून सायबर फसवणुकीत सहभागी झाल्याचा आरोप आहे.
तपासात या खात्यातून एकूण ₹.१,१०,३३४ इतके आर्थिक व्यवहार झाल्याचे निष्पन्न झाले आहे. तसेच भारतातील तीन नागरिकांकडून फसवणुकीद्वारे ही रक्कम स्वीकारल्याचे तपासात समोर आले आहे.
या प्रकरणी पोलीस शिपाई आकाश ज्ञानेश्वर नायकोजी (बकल क्रमांक ३४८१), चिखली पोलीस ठाणे यांनी फिर्याद दिली आहे.
अटक करण्यात आलेल्या आरोपीचे नाव रोहित ज्ञानेश्वर भानुसे (रा. एस-५, शिवप्रसाद, जेएसपीएम कॉलेजजवळ, न-हे, पुणे; मूळ रा. मिजोरा, पोस्ट हिवरखेड पूर्णा, ता. सिंदखेडराजा, जि. बुलढाणा) असे आहे.या गुन्ह्याचा पुढील तपास वरिष्ठ पोलीस निरीक्षक जाधव यांच्या मार्गदर्शनाखाली सुरू असून, आरोपीच्या इतर साथीदारांचा शोध सुरू असल्याची माहिती पोलिसांनी दिली आहे.
