पिंपरी चिंचवड.…
▪ सांगवी : केअरटेकरकडून घरफोडी पिंपळे सौदागर येथील डॅफोडाईल्स हाऊसिंग सोसायटीतील फ्लॅटमध्ये केअरटेकर म्हणून काम करणाऱ्या पारस यादव (वय ३०, रा. रहाटणी) याने घरातील सुमारे २.२२ लाख रुपयांचे सोन्याचे दागिने व रोख रक्कम लबाडीने चोरल्याप्रकरणी गुन्हा दाखल करण्यात आला असून आरोपीला अटक करण्यात आली आहे.
▪ देहूरोड : भरधाव ट्रकच्या धडकेत तरुणाचा मृत्यू देहूरोड–देहूगाव मार्गावरील परंडवाल चौकात भरधाव ट्रकने दुचाकीला धडक दिल्याने प्रेम महेश शेवाळे (वय २०) याचा मृत्यू झाला, तर ओम मनोहर विधाटे (वय २०) गंभीर जखमी झाला. ट्रक चालक बाळू विश्वनाथ बखले याला अटक करण्यात आली आहे.
▪ रावेत : मोबाईल चोरीप्रकरणी आरोपी अटक उदय हिल्स सोसायटीसमोरील परिसरातून १३ हजार रुपयांचा विवो कंपनीचा मोबाईल चोरी केल्याप्रकरणी बेचन कुमार मंडल याला अटक करण्यात आली.
▪ शिरगाव : फ्लॅश जुगार अड्ड्यावर छापा कुसगाव गावठाणातील एका शेडमध्ये फ्लॅश जुगार सुरू असल्याची माहिती मिळाल्यानंतर पोलिसांनी छापा टाकून ९ जणांविरुद्ध गुन्हा दाखल केला. रोख रक्कम व जुगाराचे साहित्य असा ३,४७० रुपयांचा मुद्देमाल जप्त करण्यात आला.
▪ बावधन : मनाई आदेशाचे उल्लंघन करून कोयता बाळगणाऱ्यावर कारवाई नांदे परिसरात मनाई आदेश लागू असताना स्वराज सुरेश इमाले (वय २४) याच्याकडे धारदार लोखंडी कोयता आढळून आल्याने आर्म्स अॅक्ट व महाराष्ट्र पोलीस अधिनियमांतर्गत गुन्हा दाखल करण्यात आला.
▪ चाकण दक्षिण : गावठी दारू विक्रीवर छापा साबळेवाडी येथे एका महिलेकडून गावठी हातभट्टीची दारू विक्री होत असल्याची माहिती मिळाल्यानंतर पोलिसांनी छापा टाकून ३३ दारूचे फुगे व अन्य साहित्य, एकूण २,६५० रुपयांचा मुद्देमाल जप्त केला.
▪ एमआयडीसी भोसरी : ऑनलाइन टास्कच्या आमिषाने ८.०७ लाखांची फसवणूक मोशी येथील नागरिकाला रेटिंग व रिव्ह्यू टास्क करून ३० टक्के परतावा देण्याचे आमिष दाखवत junvix.top या लिंकद्वारे ८,०७,६८३ रुपयांची ऑनलाइन फसवणूक करण्यात आल्याप्रकरणी गुन्हा दाखल झाला आहे.
▪ सायबर पोलीस : ‘म्युल अकाऊंट’द्वारे आर्थिक व्यवहार चिंचवड येथील राहुल रामा राठोड याने स्वतःच्या बँक खात्याचा वापर सायबर गुन्हेगारांसाठी करून ३४.३७ लाख रुपयांहून अधिक आर्थिक व्यवहार केल्याचा आरोप आहे. या खात्यामार्फत देशातील सात नागरिकांच्या तक्रारींशी संबंधित रकमेचे व्यवहार झाल्याचे तपासात निष्पन्न झाल्याने गुन्हा दाखल करण्यात आला आहे.
