पिंपरी-चिंचवड | प्रतिनिधी….भोसरी परिसरात कामावर असलेल्या एका महिलेस शिवीगाळ करून लाथाबुक्क्यांनी मारहाण केल्याची घटना समोर आली आहे. या प्रकरणी भोसरी पोलीस ठाण्यात एका तरुणाविरुद्ध गुन्हा दाखल करण्यात आला आहे.
पोलीसांनी दिलेल्या माहितीनुसार, ७ जुलै २०२६ रोजी सकाळी सुमारे १०.३० वाजता संत तुकाराम गुरुनगर, भोसरी येथील पायऱ्याजवळ ही घटना घडली. याप्रकरणी पीडित महिलेच्या फिर्यादीवरून ८ जुलै २०२६ रोजी सकाळी ९.२३ वाजता गुन्हा नोंदविण्यात आला.
फिर्यादी महिला कामावर असताना त्यांच्याच कामातील ओळखीचा प्रदीप (वय अंदाजे २३ वर्षे, पूर्ण नाव व पत्ता अज्ञात) याने कचऱ्याची बादली पायऱ्यांवर का ठेवली, या कारणावरून वाद घालत अश्लील शिवीगाळ केली. त्यानंतर आरोपीने फिर्यादीस लाथाबुक्क्यांनी मारहाण करून ढकलून दिले. या मारहाणीत महिलेच्या पोटाला व डोक्याला दुखापत झाली.
या प्रकरणी भोसरी पोलीस ठाण्यात गुन्हा क्र. २७७/२०२६ अन्वये भारतीय न्याय संहिता (BNS) कलम ११८(१), ११५(२) व ३५२ अंतर्गत गुन्हा दाखल करण्यात आला असून, पुढील तपास पोलीस हवालदार काळे करीत आहेत.
