आयुक्त डॉ. विजय सूर्यवंशी, महापौर रवि लांडगे यांच्या हस्ते प्रतिमेस पुष्पहार अर्पण
पिंपरी, दि. १२ ऑक्टोबर २०२६ : पिंपरी-चिंचवड महानगरपालिकेच्या ४४ व्या वर्धापन दिनानिमित्त पिंपरी येथील महापालिकेच्या प्रशासकीय इमारतीत विविध कार्यक्रमांचे आयोजन करण्यात आले होते. यावेळी नगरीचे शिल्पकार आणि माजी नगराध्यक्ष दिवंगत अण्णासाहेब मगर यांच्या प्रतिमेस व पुतळ्यास महापालिका आयुक्त डॉ. विजय सूर्यवंशी यांनी महापौर रवि लांडगे यांच्या उपस्थितीत पुष्पहार अर्पण करून अभिवादन केले.यावेळी महापालिकेच्या वर्धापन दिनानिमित्त विविध स्पर्धा व कार्यक्रमांचे आयोजन करण्यात आले होते. यामध्ये आयुक्त व महापौरांसह नगरसेवक आणि विविध विभागांचे अधिकारी तसेच कर्मचारी यांनी भाग घेतला.
या कार्यक्रमाला स्थायी समिती सभापती अभिषेक बारणे, शिवसेना गटनेते विश्वजीत बारणे, अतिरिक्त आयुक्त कुलदीप जंगम, तृप्ती सांडभोर, विक्रांत बगाडे, मुख्य लेखा व वित्त अधिकारी सत्यवान उबाळे, मुख्य लेखापरीक्षक प्रमोद भोसले, सहआयुक्त मनोज लोणकर, शहर अभियंता मनोज सेठिया, मुख्य अभियंता प्रमोद ओंभासे, मुख्य सुरक्षा अधिकारी उदय जरांडे, उपायुक्त अण्णा बोदडे, सचिन पवार, व्यंकटेश दुर्वास, संदीप खोत, पंकज पाटील, सहशहर अभियंता बापू गायकवाड, विशेष अधिकारी किरण गायकवाड, प्रशासन अधिकारी दत्ता सूर्यवंशी, जनसंपर्क अधिकारी प्रफुल्ल पुराणिक आदी उपस्थित होते.तसेच पिंपरी-चिंचवड कर्मचारी महासंघाचे अध्यक्ष बबन झिंजुर्डे, उपाध्यक्षा सुप्रिया जाधव आणि अन्य पदाधिकारी व कर्मचारी यावेळी उपस्थित होते.
