तळेगाव दाभाडे | प्रतिनिधी….तळेगाव दाभाडे येथील अहेरी कॉलनीतील ऐश्वर्य सोसायटी परिसरातून पार्क करून ठेवलेली मिनी बस अज्ञात चोरट्याने चोरून नेल्याची घटना उघडकीस आली आहे. या प्रकरणी तळेगाव दाभाडे पोलीस ठाण्यात अज्ञात आरोपीविरोधात गुन्हा दाखल करण्यात आला आहे.
पोलीसांनी दिलेल्या माहितीनुसार, ही घटना दि. ८ जुलै २०२६ रोजी पहाटे ४ ते ५ वाजण्याच्या दरम्यान घडली. फिर्यादी मुस्वाक रज्जाक शेख (वय ५०, रा. राकट नं. ३०६, ऐश्वर्य सोसायटी, अहेरी कॉलनी, तळेगाव दाभाडे, ता. मावळ, जि. पुणे) यांनी आपली फोर्स मोटर्स कंपनीची मिनी ट्रॅव्हल्स बस (एमएच १२ एफझेड ८०८४) पार्क करून लॉक केली होती.
दरम्यान, अज्ञात चोरट्याने सुमारे २ लाख रुपये किमतीची ही मिनी बस आर्थिक फायद्याच्या उद्देशाने चोरून नेली. हा प्रकार लक्षात आल्यानंतर फिर्यादी यांनी तक्रार दिली.
याप्रकरणी तळेगाव दाभाडे पोलीस ठाण्यात गुन्हा रजिस्टर क्रमांक २४१/२०२६ अन्वये बीएनएस कलम ३०३(२) (पूर्वीचे भादंवि कलम ३७९) अंतर्गत अज्ञात चोरट्याविरोधात गुन्हा दाखल करण्यात आला आहे.या गुन्ह्याचा पुढील तपास पोलीस हवालदार निळे करीत आहेत.
