पिंपरी, दि.०३ जुलै २०२६: पिंपरी-चिंचवड महानगरपालिकेच्या वतीने आयोजित करण्यात येणाऱ्या साहित्यरत्न लोकशाहीर अण्णाभाऊ साठे विचार प्रबोधन पर्व २०२६ च्या नियोजनासाठी महापौर रवी लांडगे यांच्या अध्यक्षतेखाली बैठक संपन्न झाली.
या बैठकीस प्रशांत शितोळे, विरोधी पक्षनेते भाऊसाहेब भोईर, कला, क्रीडा व सांस्कृतिक समितीचे सभापती कैलास कुटे, नगरसदस्या अनुराधा गोरखे, मधुरा शिंदे, नगरसदस्य जितेंद्र ननावरे,तानाजी बारणे,धर्मपाल तंतरपाळे,बापू घोलप यांच्यासह माजी नगरसदस्य काळूराम पवार,कमल घोलप,भगवान शिंदे,उप आयुक्त अण्णा बोदडे,क्षेत्रीय अधिकारी निवेदीता घार्गे, सामाजिक कार्यकर्ते भाऊसाहेब अडागळे,संदीपान झोंबाडे,मनोज तोरडमल,सतीश भवाळ, संजय ससाणे, अरुण जोगदंड,नितीन घोलप,युवराज दाखले,चंद्रकांत लोंढे,आशाताई शहाणे,शशिकांत आढाव, मंगेश गायकवाड, अनिल शिंदे, श्रीमंत सावंत, अरुण डोंगरे, नागेश थोरात, गिरीश धोत्रे, तेजश्री शिंदे, श्रद्धेश, नामदेव शिंदे, सुरेश बोराडे, बाळासाहेब वंजुळे, मंगेश डगवारे, दीपाली एस. लोंढे, माया कैलास चौधरी, शिवाजी चव्हाण, किरण कांबळे आणि कृष्णा साबळे अनिल सोनवणे, कैलास पवार, विवेक ननावरे, शामा जगनाथ, गणेशी हरिश्चंद्र, प्रकाश जगन्नाथ, प्रसाद केसरे, आनंद कांबळे, विशाल कसबे, अनिता कांबळे, गणेश मोरे, सविता आढळे, अर्चना सोनवणे, रवींद्र वाघमारे, मयूर ढोले, शंकर खवळे, संजय बावणे आदी उपस्थित होते.
बैठकीत जयंती उत्सव समितीच्या अध्यक्षपदी गणेश अवघडे यांची नुकतीच निवड झाल्याबद्दल त्यांचा महापौर रवि लांडगे यांच्या हस्ते सत्कार करण्यात आला, उपस्थित मान्यवरांनी त्यांचे अभिनंदन करून आगामी विचार प्रबोधन पर्व उत्साहात आणि लोकसहभागातून साजरा करण्याचे आवाहन केले.
बैठकीत सामाजिक कार्यकर्ते, लोकप्रतिनिधी आणि विविध संघटनांच्या प्रतिनिधींनी अनेक विधायक सूचना मांडल्या. लोकशाहीर अण्णाभाऊ साठे यांच्या विचारांचा प्रसार व प्रचार होण्यासाठी शैक्षणिक, प्रबोधनात्मक आणि सांस्कृतिक कार्यक्रमांना प्राधान्य द्यावे, विद्यार्थ्यांसाठी निबंध, वक्तृत्व, चित्रकला अशा स्पर्धा आयोजित कराव्यात तसेच युवक-युवतींसाठी प्रेरणादायी उपक्रम राबवावेत, अशी मागणी बैठकीत करण्यात आली.
साहित्यरत्न लोकशाहीर अण्णा भाऊ साठे स्मारक परिसराचे सुशोभीकरण, अतिक्रमण हटविणे, स्मारकाजवळ आवश्यक सुविधा उपलब्ध करून देणे, पालखी सोहळ्यादरम्यान योग्य नियोजन करणे आदी मागणीही बेठकीत करण्यात आली.
विचार प्रबोधन पर्वात होणाऱ्या वृक्षारोपण उपक्रमात लावण्यात आलेल्या झाडांचे संगोपन व्हावे, त्याठिकाणी माहिती फलक लावण्यात यावेत, अशी सूचना करण्यात आली. तसेच पारंपरिक लोककलेला चालना देण्यासाठी पारंपरिक महोत्सव, स्थानिक कलाकारांना व्यासपीठ आणि दर्जेदार सांस्कृतिक कार्यक्रमांना प्राधान्य देण्याची मागणी करण्यात आली.
बैठकीच्या शेवटी महापौर रवि लांडगे यांनी उपस्थितांनी मांडलेल्या सर्व सूचना व मागण्यांचा सकारात्मकपणे विचारात घेऊन लोकशाहीर अण्णाभाऊ साठे विचार प्रबोधन पर्व अधिक भव्य, दिव्य आणि समाजप्रबोधन करण्यासाठी प्रशासन आवश्यक ती कार्यवाही करेल असे सांगितले.
